कीभ, ९ साउन । रुसले मंगलबार बिहान युक्रेनको राजधानी किभमा हवाई आक्रमण गरेको छ । समाचार एजेन्सी रोयटर्सले युक्रेनको सैन्य प्रशासनलाई उद्धृत गर्दै यो जानकारी दिएको हो ।
सैन्य प्रशासनका प्रमुख सेर्ही पोप्कोले रुसले किभको बाहिरी क्षेत्रमा हवाई आक्रमण गरेको बताए । यद्यपी युक्रेनको वायु रक्षा प्रणालीले आक्रमणलाई रोक्ने काममा जुटेको छ । यस हमलामा कति हताहत भएका छन् भन्ने विवरण आउन बाँकी छ ।
यसअघि आइतबार रुसले युक्रेनको बन्दरगाह सहर ओडेसामा शक्तिशाली मिसाइल हमला गरेको थियो । आक्रमणमा एक जनाको मृत्यु भएको थियो भने २२ जना घाइते भएका थिए ।
