राजन विक ८, बैशाख सिन्धुली । मौषममा आएको परिवर्तनसंगै सिन्धुली अस्पतालमा विमारीको चाप बढेको छ । पछिल्लो एक महिनादेखि अस्पतालमा विमारीको चाप बढेको अस्पतालले जनाएको हो । अस्पतालमा ज्वोरो, रुघाखोकी, झाडापखला, निमुनिया, टण्सील जस्ता रोगका विमारीहरुको संख्या बढेको अस्पतालका डाक्टर सुधांसु झाले बताउँनु भयो । ‘दैनिक यस्ता विमारीहरु सिन्धुली अस्पतामा उपचारका लागि आउँने गरेका छन् । धेरै जसो विमारी ज्वरो र झाडापाखलाका आउने गरेका छन्,’ उनले भने ।
गर्मी बढेपछि जिल्लामा यस्ता विमारीहरुको संख्या पनि बढ्दै गएको हो । धेरै जसो बालबालिका र वृद्ध वृद्धामा यस्तो समस्या देखिने गरेको छ । उनिहरुलाई अस्पतालमै भर्ना गराएर उपचार गर्ने गरिएको छ । ज्वोरो र झाडापाखला भाइरलका रुपमा बढ्दै गएपछि उनिहरुलाई अस्पतालमा भर्ना गरेर उपचार थालिएको अर्का डाक्टर आयुष श्रेष्ठ बताउँछन् ।
एक महिना अघिसम्म दैनिक ३० देखि ५० जनासम्म विमारी उपचारका लागि सिन्धुली अस्पता आउँने गरेकोमा पछिल्लो समय दैनिक एक सय देखि २ सय ४० जनासम्म अस्पता आउँने गरेको अस्पतालले जनायो । ‘धेरै बालबालिकाहरुमा ज्वोरो, झाडापखला, निमुनियाको समस्या देखिएको छ । यो समस्या जिल्लाभरमै देखिएको छ । उनिहरुलाई अस्पतालमा उपलब्ध स्रोतसाधनले भ्याएसम्मको उपचार गरिरहेका छौं,’ डाक्टर श्रेष्ठले भन्नु भयो ।
