काठमाडौं, ७ असार । आइसीसी एकदिवसीय विश्वकप छनोट प्रतियोगिताको आफ्नो तेस्रो खेलमा नेपालले आज वेस्टइण्डिजको सामना गर्दैछ ।
वेस्टइण्डिज र नेपालबीचको खेल जिम्बावेको राजधानीमा रहेको हरारे स्पोर्टस क्लवमा नेपाली समय अनुसार मध्यान्ह पौने १ मा शुरु हुनेछ ।
तेस्रो खेल खेल्दै गरेको नेपाल वेस्टइण्डिजलाई हराएर प्रतियोगितामा दोस्रो जित हात पार्न चाहन्छ ।
पहिलो खेलमा घरेलु टोली जिम्बाबेसँग पराजित नेपालले दोस्रो खेलमा अमेरिकालाई पराजित गरेको थियो ।
दुई पटकको एकदिवसीय विश्वकप च्याम्पियनसँग नेपालको यो नै पहिलो भेट हो । नेपालले कुनैपनि विश्व बिजेतासँग पहिलो पटक खेल्ने अवसर पाएको हो ।
