काठमाडौं, १ असार । जनता समाजवादी पार्टीले केन्द्रीय समितिको बैठक बोलाएको छ । विधान अधिवेसनको तयारी गर्न असार ९ गते बिहान १० बजे बस्ने गरी पार्टीले बैठक बोलाएको हो ।
बैठकमा केन्द्रीय कार्यकारिणी समिति, विभिन्न समिति र संगठनहरुले पठाएका सुझावहरु समेटेर तयार पारेको संशोधित विधानबारे छलफल हुने जनाइएको छ ।
पार्टीले आगामी असार १०,११ र १२ गेते विधान अधिवेशन गर्दैछ । ७ सय ७८ जना प्रतिनिधिहरु सहभागी हुने उक्त अधिवेशनमा ४२३ जना केन्द्रीय समिति सदस्यहरु छन् ।
