काठमाडौं । आइसीसी एकदिवसीय विश्वकप छनोटको अभ्यास खेलमा नेपालले अर्को हार ब्यहोरेको छ ।
हरारेमा मंगलबार भएको खेलमा नेपाल युएईसँग ३ विकेटले पराजित भएको हो ।
नेपालले दिएको २ सय ७७ रनको लक्ष्य युएईले ४९ दशमलब ५ ओभरमा ७ विकेट गुमाएर पूरा गर्यो ।
युएईको जितमा रोहन मुस्ताफाले ७८ रनको योगदान दिए ।
त्यसअघि टस जितेर ब्याटिङ गरेको नेपाल ४९ दशमलब ५ ओभरमा अलआउट हुदै २ सय ७६ रन बनाएको थियो ।
नेपालका ओपनर आशिफ शेखले सर्वाधिक ५७ रनको अर्धशतकीय ईनिङ खेले । साथै? कुशल मल्लले ४६ रन तथा आरिफ शेख ३५ रन बनाए । कुशल भुर्तेलले ३९ रनको जोडेका थिए ।
नेपालले बिहीबार दोस्रो वार्मअप खेलमा ओमानसँग खेल्नेछ । यसअघि नेपालले दक्षिण अफ्रिकामा अन्तिम तयारी गरेको थियो । तयारीका क्रममा दक्षिण अफ्रिकामा नेपाल दुई अभ्यास खेल खेलेको थियो ।
