काठमाडौं, १९ वैशाख । नेकपा एमालेका नेता योगेश भट्टराईले नेपाली क्रिकेट टिमलाई बधाई दिएका छन् । किर्तिपुरमा भएको एसीसी प्रिमियर कपको फाइनल खेलमा यूएईलाई ७ विकेटले हराउँदै नेपाल एसिया कपमा छनोट भएको हो ।
नेता भट्टराईले खेलाडीहरुको जीवन यापनलाई सुनिश्चित गर्न र खेलकुद क्षेत्रको ब्यबसायीकतामा जोड दिन सरकारसँग आग्रह गरेका छन् । राज्यले खेल पूर्वाधारमा लगानी बढाउनुपर्ने उनको भनाइ छ ।
उनले सामाजिक सञ्जालमा लेखेका छन्,‘अब नेपालले खेल्ने छ एसिया कपमा !
खेलाडीहरुको मेहनत, कुसल प्रशिक्षक र दर्शकको अपार समर्थनका कारण थुप्रै अभाब र प्रतिकुलताका बाबजुद आज भएको खेलमा यूएईलाई ७ विकेटले हराउँदै नेपाल एसिया कपमा छनोट भएको छ । सम्पूर्ण नेपालीका लागि यो सुखद र गौरबको क्षण हो । नेपाली क्रिकेट टिमलाई धेरै धेरै बधाई ।
खेल पूर्वाधारमा लगानी बढाउन
खेलाडीहरुको जीवन यापनलाई शुनिश्चित गर्न
खेलकुद क्षेत्रको ब्यबसायीकतामा जोड दिन
नेपाल सरकार र सम्बद्ध निकायको ध्यानाकर्षण गर्दछु ।’
