काठमाडौं, ८ वैशाख । पछिल्ला समय विवादमा आइरहने तर दर्शकहरुका रोजाई र भोगाईका गीत पस्किरहने नाम हो प्रकाश सपुत । उनको पछिल्लो सकम्बरी गीतले एक सातामै एक करोड़ भिउज पाएको छ । महिला यौन हिंसाको विषयको कथावस्तु रहेको सो भिडियो करोड पटक हेरिएको छ ।
गीत र भिडियोको विषयमा केहीले विरोध गरिरहेका छन् भने केहीले समाजको यथार्थ घटना कथामार्फत प्रस्तुत गरिएको तर्क दिइरहेका छन् । यसैक्रममा सांगितिक कार्यक्रमका लागि अमेरिका पुगेका गायक सपुतले पछिल्लो गित “सकम्बरी” ले उठाउन खोजेको महिला यौन हिंसाको विषय गम्भिर र साझा विषय भएको उल्लेख गरेका छन् ।
कथामा देखाइएको प्रवृत्ति एउटा क्षेत्रमा मात्रै छ भन्नु अस्वभाविक हुने भन्दै कुनै अर्को क्षेत्रमा छदैछैन भन्नु नमिल्ने उनको तर्क छ । पात्र र पात्रको पृष्ठभुमी तयार गर्दा रात्रीकालीन मनोरञ्जन क्षेत्रलाई छानिएको उनले स्पष्ट पारेका छन् । उनले लेखेका छन्,‘५ वर्ष साझमा काम गर्दै गर्दा मैले अपमानजनक दृष्टिकोण खेपेको छु ।’