काठमाडौं, ३ वैशाख । आगामी बैशाख १० गते हुने उपनिर्वाचनका लागि तनहुँ क्षेत्र नं १ मा एकीकृत समाजवादी पार्टीले पुर्वमन्त्री कृष्णकुमार श्रेष्ठ‘किसान’ लाई गठबन्धनका उम्मेदवारलाई जिताउने जिम्मेवारी दिएको छ ।
सत्ता गठबन्धनबाट नेपाली कांग्रेसका गोविन्द भट्टराई उम्मेदवार छन् । श्रेष्ठ पार्टीले दिएको जिम्मेवारी पुरा गर्न आज तनहूँ पूग्दैछन् । उनले गठबन्धनका उम्मेदवार भट्टराईलाई जिताएर मात्रै राजधानी फर्कने बताए ।
श्रेष्ठको गृहजिल्ला तनहुँ भएपनि गत मंसिरमा सम्पन्न भएको निर्वाचनमा उनी बाराबाट विजयी भएका हुन् । यसअघि २०७४ सालको निर्वाचनमा उनी तनहुँ १ बाटै निर्वाचित भएका थिए ।
तनहुँ १ मा भट्टराईसहित नेकपा एमालेका सर्वेन्द्र खनाल र रास्वपाका डा.स्वर्णिम वाग्ले लगायत ९ जना चुनावी मैदानमा उत्रिएका छन् ।