काठमाडौं, ६ चैत्र । नेपाल सरकारले पाँच नायब महानिरिक्षक (डिआईजी)हरुलाई अतिरिक्त महानिरिक्षक (एआईजी)मा बढुवा गरेको छ । आज बसेको मन्त्रिपरिषदको बैठकले गृहमन्त्रालयको सिफारिसको आधारमा बढुवा गरेको हो ।
डिआईजीहरु बसन्तबहादुर कुँवर,टेकप्रसाद राई, दीपक थापा, श्यामलाल ज्ञवाली र किरण बज्राचार्य एआईजीमा बढुवा भएका हुन् । आगामी चैत्र ११ गते प्रहरी महानिरिक्षक धिरजप्रताप सिंह अनिवार्य अवकाशमा जादैछन् । एआईजीमा बढुवा भएका ५ जना मध्ये एक जना प्रहरीको नेतृत्वमा पुग्नेछन् ।
नयाँ प्रहरीमहानिरीक्षक चयन हुनु १५ दिन अघि एआईजीमा बढुवा गर्न गृहमन्त्रालयले सिफारिस गरेको थियो ।
