काठमाडौं । प्रधानमन्त्री पुष्पकमल दाहाल ‘प्रचण्ड’ विरुद्धको रिटमा आजका लागि सुनुवाइ सकिएको छ । सुनुवाइ सकिए पनि आदेश आउन भने बाँकी छ ।
न्यायाधीश ईश्वरप्रसाद खतिवडाको इजलासमा परेको रिटमा निवेदकका तर्फबाट वरिष्ठ अधिवक्ता सुरेन्द्र भण्डारी लगायतले बहस गरेका थिए ।
प्रधानमन्त्री दाहालमाथि व्यक्तिहत्यामा पक्राउको कारबाही चलाउन अदालतले आदेश दिनुपर्ने उनीहरुको माग छ ।
गत फागुन १९ गते ज्ञानेन्द्रराज आरणसमेत आठजना र चिरञ्जीवी बास गिरीसमेत १६ जना द्वन्द्वपीडितले सर्वोच्च अदालतमा प्रधानमन्त्री दाहालविरुद्ध रिट दर्ता गरेका हुन् ।
