काठमाडौं । २३औँ बुढासुब्बा गोल्डकप फुटबलको उपाधि क्यामरुनी क्लब एभिनियर फुटबल क्लबले उचालेको छ ।
आज शनिवार सम्पन्न फाइनल खेलमा काँकडभिट्टा फुटबल ट्रेनिङ सेन्टर झापालाई १–० गोल अन्तरले पराजित गर्दै एभिनियरले उपाधि चुमेको हो ।
पहिलो हाफ बराबरीमा रोकिएको खेलमा दोस्रो हाफको ६५औं मिनेटमा सब्बा अलीले निर्णायक गोल गर्दै टोलीलाई जिताउन सफल भए ।
उपाधि विजेता एभिनियरले नगद १० लाख र उपविजेता काँकडभिट्टाले ५ लाख हात पारेका छन् ।
