एजेन्सी । क्यानाडा सरकारले सोमबार टिकटकलाई आफ्ना सबै फोन र अन्य उपकरणहरूबाट डेटा सुरक्षालाई मध्यनजर गर्दै प्रतिबन्ध लगाएको छ। जसको मूल कम्पनी चिनियाँ बाइटडान्स हो, हालका महिनाहरूमा बढ्दो पश्चिमी छानबिनको सामना गरिरहेको छ।
“मङ्गलबारदेखि लागू हुने गरी सरकारले जारी गरेका मोबाइल उपकरणहरूबाट टिकटक एप हटाइनेछ। भविष्यमा यी यन्त्रहरूका प्रयोगकर्ताहरूलाई एप डाउनलोड गर्नबाट पनि रोक लगाइनेछ,“ क्यानाडा सरकारले एक विज्ञप्ति जारी गर्दै भनेको छ । अमेरिकापछि क्यानडाले पनि डाटाको चिन्तालाई लिएर सरकारी उपकरणमा टिकटकमाथि प्रतिबन्ध लगाएको छ ।
क्यानाडाका मुख्य सूचना अधिकारीले भने,“गोपनीयता र सुरक्षाको लागि अस्वीकार्य स्तरको जोखिम प्रस्तुत गर्यो ।“ यद्यपि एपसँग सम्बन्धित सरकारी डाटाको उल्लंघनको कुनै प्रमाण छैन् । प्रमुख सूचना अधिकारीले चेतावनी दिएका छन् कि टिकटकको डाटा संकलन विधिहरूले यसलाई फोनका सामग्रीहरूमा पर्याप्त पहुँच दिन्छ । युरोपेली आयोगले गत हप्ता संयुक्त राज्यमा यस्तै चालहरू पछ्याउँदै आफ्ना उपकरणहरूबाट एपलाई प्रतिबन्ध लगाएको थियो ।
