वासिङ्टन, ११ फागुन । न्युयोर्कको एक संघीय न्यायाधीशले ९/११ हमलाका पीडितका परिवारलाई अफगानिस्तानको केन्द्रीय बैंकसँग रहेको ३.५ बिलियन डलरको सम्पत्ति जफत गर्ने अधिकार नहुने फैसला गरेको छ । फैसलाको घोषणा पछि, तालिबान अधिकारीहरूले वाशिंगटनलाई अफगानिस्तानको केन्द्रीय बैंकमा रहेको ३.५ बिलियन डलर फिर्ता गर्न आग्रह गरेका छन् ।
सन् २०२१ मा अफगानिस्तानमा तालिबान सत्तामा आएलगत्तै अमेरिकाले यस सम्पत्तिलाई नियन्त्रणमा लिएको थियो । राष्ट्रपति जो बिडेनले यो रकम ९÷११ पीडितका परिवारलाई उपलब्ध गराउन सकिने बताए। यस मुद्दामा, न्यूयोर्कको दक्षिणी जिल्लाका लागि न्यायाधीश जर्ज डेनियलले मंगलबार संघीय अदालतहरूलाई अफगानिस्तानको केन्द्रीय बैंकबाट रकम जफत गर्ने अधिकार नभएको बताए ।
“उनलाई संवैधानिक रूपमा कोषमा पहुँच अनुमोदन गर्न निषेध गरिएको छ, किनकि यदि अमेरिकी अदालतले त्यसो गर्छ भने, यसले तालिबान अफगानिस्तानको वैध सरकार हो भनेर स्थापित गर्नेछ,“ डेनियलले ३० पृष्ठको फैसलामा भने। डेनियलले आफूलाई संवैधानिक रूपमा परिवारलाई सम्पत्ति दिन प्रतिबन्ध लगाइएको बताए।
अमेरिका लगायत कुनै पनि देशले तालिवान सरकारलाई अहिलेसम्म मान्यता दिएको छैन । ९÷११ को आत्मघाती विमान आक्रमणमा २ हजार ९७७ जनाको ज्यान गएको बताइएको छ । यो हमला पछि मात्र अमेरिकाले अफगानिस्तानमा तालिबान सरकार विरुद्ध सैन्य कारबाही गर्यो र सत्ताबाट हटायो।
