काठमाडौं । काठमाडौं उपत्यकासहित धेरै ठाउँमा आज बिहानैदेखि पानी परेको छ ।
पूर्वी र मध्य भेगका धेरै ठाउँमा पानी परेको मौसमविद् मिनकुमार अर्यालले बताउनुभयो ।
बंगालको खाडीबाट आएको दक्षिण पूर्वी हावा वायुमण्डलको तल्लो सतहमा बगिरहेकाले त्यसको प्रभावले पानी परेको हो ।
यस्तै पश्चिमी वायू र पूर्वी क्षेत्रको हावाका कारण पनि मौमम बदली भई पानी परेको मौसमविद अर्यालले बताउनुभयो ।
मध्य भेगमा भन्दा पूर्वी भेगमा बुधबार दिनभरि नै पानी पर्ने सम्भावना रहेको उहाँले बताउनुभयो ।
काठमाडौंसहित मध्य भेगका केही ठाउँमा केहीबेर मौसम खुल्ने अनुमान गरिएको छ ।
तर दक्षिणी वायूको प्रभाव धेरै रहेकाले अझै केही दिन मौसम यस्तै हुने मौसमविद अर्यालले बताउनुभयो । निरन्तरको झरीका कारण किसानहरुलाई भने राहत पुगेको छ ।
मध्य पहाडी क्षेत्रमा गहँ पाक्ने बेला हुनलागेको र मधै रोप्ने बेला भएकाले किसानलाई राहत भएको हो । यस्तै तराईका जिल्लाहरुका किसानलाई पनि राहत भएको छ ।
तराईमा मकै रोप्ने बेला भएका कारण पानि परेकाले जमिन ओसीलो भएको छ ।