काठमाडौं, ४ फागुन । खाना पकाउन प्रयोग हुने ग्यास सिलिन्डर विस्फोट हुँदा घाइते भएका नेपाली कांग्रेसका सांसद डा.चन्द्र भण्डारीको उपचारबारे बुझ्न सभापति शेरबहादुर देउवा बर्न अस्पताल पुगेका छन् ।
अस्पताल पुगेर देउवाले बिहीबार आगोले जलेर गम्भिर घाइते भएका भण्डारी र उनकी आमाको स्वास्थ्य अवस्था बुझेका हुन् ।
बुद्धनगरस्थित निवासमा ग्यास सिलिन्डर विस्फोट हुँदा घाइते हुनुभएका भण्डारी र उहाँको आमाको अहिले कीर्तिपुर अस्पतालमा आईसीयूमा उपचार भइरहेको छ । भण्डारीको कम्मरदेखि तलको भागसमेत शरिरको करिब २५ प्रतिशत भाग जलेको बताइएको छ । भण्डारीकी आमाको ७० प्रतिशतभन्दा धेरै भाग जलेको छ । आमालाई बचाउने क्रममा भण्डारीको शरीरमा पनि आगो लागेको आशंका गरिएको छ । यसैबीच, भण्डारी र उनकी आमा दुवैलाई थप उपचारका लागि भारत लैजाने विषयमा सल्लाह भइरहेको बताइएको छ ।
चिकित्सकले थप उपचारका लागि भारत लैजान सुझाव दिए आजै मुम्बई लैजाने तयारी भइरहेको छ । ग्यास लिक भएर सिलिन्डर विस्फोट भएको आशंका गरिएको छ । सुतिसकेपछि करिब १० बजेतिर सिलिन्डर विस्फोट भएको थियो ।
