काठमाडौं, ४ फागुन । मदिरा सेवन गरी एकजनालाई कुटपिट गरेको आरोपमा प्रहरीको नियन्त्रणमा रहेका हास्य कलाकार पवन खतिवडा ‘म्याकुरी’ छुटेका छन् ।
मोरङको बेलबारीमा मदिरा सेवनपछि कुटपिट गरेको आरोपमा पक्राउ परेका कलाकार खतिवडा पीडितसँग मिलापत्र गरेपछि रिहा भएका हुन् । खतिवडा मंगलबार राति पक्राउ परेका थिए भने बुधबार छुटेका हुन् ।
उनीविरुद्ध बेलबारी ४ का जीवन कार्कीले आफूमाथि कुटपिट गरेको भन्दै उजुरी दिएपछि प्रहरीले नियन्त्रणमा लिएको थियो । खतिवडासँगै रमेश भण्डारी पनि कुटपिट गरेको आरोपमा पक्राउ परेका थिए । प्रहरीले उनीहरु दुवै जनालाई हिरासतमा लिएको थियो । यद्यपी उनले भने आफु जाड खाएर नभई घटनास्थलमा भएकोले प्रहरीले नियन्त्रणमा लिएको स्पष्ट पारेका छन् ।
