काठमाडौं । आईसीसी विश्वकप क्रिकेट लिग टू अन्तर्गत त्रिकोणात्मक सिरिजमा नेपालले नामिबियालाई २ विकेटले पराजित गरेको छ ।
क्रितिपुरस्थित स्थित त्रिवि मैदानमा भएको खेलमा नेपालले नामिबियाले दिएको २ सय ८६ रनको लक्ष्य ४७ ओभर ४ बलमा पुरा गरेको हो ।
नामिबियाविरुद्ध ओपनर कुशल भुर्तेलले अविजित रहँदै सतह पुरा गरे । उनले ११३ बलमा ११५ रनको योगदान दिए ।
भुर्तेलले एक सय बलमा सतक पुरा गरेका हुन् । कप्तान रोहित पौडेलले ७२ रनको योगदान दिए । उनले ७६ बलमा ७२ रन बनाएका हुन् ।
नेपालका लागि ज्ञानेन्द्र मल्लले ३५ बलमा ४ चौकासहित २५ रन बनाएर आउट भए। त्यसअघि ओपनर आशिफ शेख शुन्यमा आउट भएका थिए ।
