एजेन्सी । टर्की र सिरियामा सोमबार गएको भूकम्पले ठूलो जनधनको क्षति गरेको छ । दुबै देशमा हजारौं भवनहरू ध्वस्त भए, जसको मलबेमुनि ठूलो संख्यामा मानिसहरूले ज्यान गुमाएका छन् ।
टर्की र सिरियामा मंगलबार पुनः भूकम्पको धक्का महसुस गरिएको छ । एक दिनअघि आएका ३ वटा ठूला भूकम्पपछि दुवै देशका धेरै सहर ध्वस्त भएका छन् । २४ घण्टा बितिसक्दा पनि यहाँ शव ल्याउने क्रम जारी छ । ठूला भवनहरूको भग्नावशेषमुनि अझै पनि ज्यान खोजी भइरहेको छ। फेला परेका बालबालिका, वृद्ध, महिलाको अवस्था देखेर उद्धार टोलीका हात काँपिरहेका छन् । कसैको बाँचेको खबर प्राप्त हुनासाथ उसलाई बचाउने प्रयास झन तनाव बढेको छ ।
टर्कीको सानलिउर्फा प्रान्तमा पनि यस्तै सजाय देखियो, जब एक महिलालाई २२ घण्टापछि जिउँदै निकालियो । उद्धार टोलीले ती महिलालाई अचेत अवस्थामा फेला पारेको थियो । अर्कोतर्फ, सिरियाको एलेप्पोमा भवनको छाना काटेर मानिसहरुलाई बाहिर निकालिएको छ । दुवै देशका धेरै सहरमा यस्तो छ ।
टर्की र सिरियामा यो विनाश ३ वटा ठूला भूकम्पपछि आएको हो । टर्की समय अनुसार पहिलो सोमबार बिहान ४ बजे (७.८), दोस्रो बिहान १० बजे (७.६) र तेस्रो बेलुका ३ बजे (६.०) बजे आएको थियो । यसबाहेक २४३ वटा पराकम्पन रेकर्ड गरिएको छ । तिनीहरूको तीव्रता ४ देखि छ थियो।
दुवै देशमा ४ हजार ३ सयभन्दा बढीको मृत्यु भएको छ । टर्कीमा २ हजार ९२१ जनाको ज्यान गएको छ भने १५ हजारभन्दा बढी घाइते भएका छन् । योसँगै सिरियामा १ हजार ४ सय ४४ जनाको मृत्यु भएको छ भने २ हजारभन्दा बढी घाइते भएका छन् ।
