काठमाडौं, १९ माघ । नेपाली कांग्रेसकी नेतृ सुजाता कोइरालाले सभापति शेरबहादुर देउवासँग आज भेटवार्ता गर्नुभएको छ । आज बिहान कोइराला देउवालाई भेट्न धुम्बाराही पुगेकी हुन् । कोइराला आफैले सामाजिक सञ्जालमा तस्बिर सार्वजनिक गर्दै भेटवारे जानकारी दिएकी हुन् । तस्बिरमा दुवैजना मुस्काइरहेको देखिन्छ ।
राष्ट्रपतिको चुनाव नजिकिदै गर्दा उहाँहरुबीच महत्वपुर्ण छलफल भएको बुझिएको छ । कोइरालाले पनि राष्ट्रपतिमा आकांक्षा राखेकी छिन् । राष्ट्रपतिमा कांग्रेसले पनि उम्मेदवारी दिने तयारी गरिरहेको छ । राष्ट्रपतिमा कांग्रेसबाट रामचन्द्र पौडेल, कृष्ण सिटौला लगायतको नाम चर्चामा छ ।
