एजेन्सी । भारतको मध्य जिल्लाको नबी करिम क्षेत्रमा विवाह समारोहमा भागदौड गर्दा एक युवकको छुरा प्रहार गरी हत्या गरिएको छ । मृत्यु हुनेमा जतिन उर्फ जुडी रहेकम छन् । प्रहरीले शवलाई नियन्त्रणमा लिएर पोष्टमार्टमपछि आफन्तलाई बुझाएको छ । घटनामा प्रत्यक्षदर्शीको बयानका आधारमा प्रहरीले अभियुक्त सौरभलाई मुद्दा दर्ता गरी पक्राउ गरेको छ ।
प्रहरी अधिकारीका अनुसार जतिन आफ्नो परिवारसँग नीमवाला चोकमा बस्दै आएका थिए । उनको परिवारमा आमा बाहेक दुई दाजुभाइ छन् । आरोपित सौरभको परिवार पनि सोही क्षेत्रमा बस्छ । पछिल्लो समय जतिन सौरभकी श्रीमतीसँग नजिक भए । यही कुरालाई लिएर दुवैबीच पटकपटक झगडा भएको थियो र नौबत हानाहानसम्म पुगेको थियो । उनले जतिनलाई धेरै पटक बुझाए तर उनी मानेनन् ।
जतिनको बदला लिन सौरभले माघ २६ गते उनको हत्या गर्ने योजना बनाएको भारतीय समाचार एजेन्सीले जनाएको छ । कडा सुरक्षाका कारण उनले हत्या गर्न सकेनन् । यसैबीच, शुक्रबार साँझ जतिन नबी करिमको घरमा भएको विवाह समारोहमा सहभागी भएका थिए । यो कुरा सौरभलाई थाहा भएपछि उनी पनि त्यहाँ पुगे ।
भित्र पसेपछि जतिनको पछिपछि दौडेर चक्कु प्रहार गर्दा उनी गम्भीर घाइते भएका थिए । घटनापछि त्यहाँ अस्तव्यस्त भएको थियो । त्यहाँबाट सौरभ फरार भएका थिए । करिब एक दर्जन चक्कु प्रहारपछि जतिनलाई लेडी हार्डिङ्ग अस्पतालमा भर्ना गरिएको थियो, जहाँ चिकित्सकले उनलाई मृत घोषणा गरेका थिए ।
सूचना पाएपछि प्रहरीले हत्याको मुद्दा दर्ता गरी अभियुक्तको खोजी सुरु गरेको थियो र सूचना पाएलगत्तै सो क्षेत्रबाट सौरभलाई पक्राउ गरेको थियो । सोधपुछका क्रममा आरोपीले जतिन आफ्नी श्रीमतीसँग नजिक रहेको बताए । पटकपटक सम्झाउदा पनि श्रीमतीलाई भेट्ने गर्थे ।
