काठमाडौं, ५ माघ । लुम्बिनी प्रदेशका नवनियुक्त मुख्यमन्त्री लिला गिरीले आज विश्वासको मत लिंदैछन् । सत्तारुढ दल नेकपा (एमाले)का संसदीय दलको नेता गिरीले आज दिउँसो बस्ने प्रदेश सभाको चौथो बैठकमा विश्वासको मत लिन लागेका हुन् ।
संविधानको धारा १६८ को उपधारा ४ अनुसार मुख्यमन्त्री नियुक्त भएको ३० दिनभित्र विश्वासको मत लिनुपर्ने संवैधानिक व्यवस्था छ ।
गत पुस २७ गते ५८ संसदको समर्थनम पाएका गिरीलाई प्रदेश प्रमुख अमिक शेरचनले मुख्यमन्त्रीमा नियुक्त गरेका थिए ।
८७ सदस्यीय लुम्बिनी प्रदेशसभामा बहुमतका लागि कम्तीमा ४४ सांसदको समर्थन आवश्यक हुन्छ । एमालेका २९, माओवादी केन्द्रका १०, राप्रपाका ४, जसपाका ३ र जनमत पार्टीका ३ सांसद छन् ।
केन्द्रीय सत्ता गठन्धनको सहमतिअनुसार लुम्बिनी प्रदेशमा एमालेले पुरै पाँच वर्ष नेतृत्व लिनेछ ।
