काठमाडौं, ४ माघ । सभामुखको उम्मेदवारी दिने निर्णय गर्न नेपाली कांग्रेसको संसदीय दलको बैठक बस्दैछ । बैठक सिंहदरबारमा १ बजे बोलाइएको हो ।
कांग्रेस पदाधिकारी बैठकअघि सभापति शेरबहादुर देउवाले नेकपा (एकीकृत समाजवादी) का अध्यक्ष माधव नेपाल र जनता समाजवादी पार्टी (जसपा)का अध्यक्ष उपेन्द्र यादवसँग आफ्नै निवास धुम्बाराहीमै भेट गरेका थिए ।
संघीय संसद सचिवालयको कार्यतालिका अनुसार आज दिउँसो १ देखि ४ बजेसम्म सभामुखको मनोनयन दर्ता हुनेछ । मनोनयन दर्ता संसद भवन नयाँ बानेश्वरमा हुनेछ ।