काठमाडौं । जन्मिएको दिनदेखि २८ दिनसम्मको बच्चालाई नवजात शिशु भनिन्छ । नवजात शिशुुलाई चिसो बढेसंगै अरु बेलाभन्दा झन धेरै ख्याल गर्नुपर्ने हुन्छ ।
शिशुको स्वास्थ्यमा थोरै पनि हेलचेक्राइ भयो भने विभिन्न स्वास्थ्य समस्याको खतरा हुुन्छ ।
नवजात शिशुमा देखिने स्वास्थ्य समस्याका लक्षणहरु
– ज्वरो आउनु
– आँखा पल्टाउनु
– चाडोचाडो श्वास फेर्नु
– कोखा हान्नु
– धेरै पहेलोंपन देखिनु
– शरीरमा पिपले भरिएका फोकाहरु देखिनु आदि ।
नवजात शिशुुको कोखा हान्ने, आँखा पल्टाउने,ज्वरो आउने तथा आमाको दुध चुस्न नमान्नुले उसको स्वास्थ्यमा समस्या भएको देखाउने हुँदा नजिकैको स्वास्थ्य चौकीमा परामर्श लिनुु पर्ने बालरोग विशेषज्ञहरुको सल्लाह छ ।
बालबालिकामा स्याँस्याँ हुनु, निमोनिया र छातीको एलर्जी जस्ता समस्याहरु जाडो बढेसंगै देखिन्छन् । यस्तो अवस्थामा चिसोबाट बच्नलाई निम्न उपायहरु अपनाउन आवश्यक हुन्छ ।
– आवश्कता नभइ बालबालिकालाई घरबाट बाहिर ननिकाल्ने,
– बच्चालाई आगोमा सेक्ने र तातो न्यानो कपडा (टोपी,मोजा,पन्जा)लगाइदिने,
– राम्रोसँग हावा प्रवाह हुने कोठामा राख्ने
– स्वस्थ र पोषिलो खाना खुवाउने,
– बिहानको सुर्यको तापमा कम्तिमा १० मिनेट राख्ने आदि ।
नवजात शिशुका लागि पहिलोे डाक्टर भनेकै आमा हुन् । आमाले शिशुको स्वास्थ्यका विषयमा विशेष ख्याल पुु¥याउनुु पर्दछ । शिशुको स्वास्थ्यमा केही समस्या देखिएमा बालरोग अस्पताल वा बालरोग विशेषज्ञसंग परामर्श लिन सकिन्छ ।
