१० पुस, नवलपरासी । कावासोती नगरपालिका–१६ डण्डामा गएराति जीपको ठक्करबाट एकजनाको मृत्यु भएको छ ।
जिल्ला प्रहरी कार्यालय बर्दघाट सुस्ता पूर्व नवलपरासीले दिएको जानकारी अनुसार, पूर्वबाट पश्चिमतर्फ जाँदै गरेको ग २ च ११३४ नम्बरको जीपको ठक्करबाट एक युवकको ज्यान गएको हो । अन्दाजी २८ वर्षीय युवकको ज्यान गए पनि उनको परिचय खुलेको छैन ।
प्रहरीले थप अनुसन्धानका लागि ठक्कर दिने जीप र चालकलाई नियन्त्रणमा लिएको छ ।
