काठमाडौँ । बलिउड अभिनेता सुशान्तसिंह राजपुतको मृत्यु नभई हत्या भएको समाचार सार्वजनिक भएसँगै उनकी बहिनी श्वेता सिंहले घटनाको निश्पक्ष छानबिन गर्न आग्रह गरेकी छन् ।
श्वेताले सामाजिक सञ्जाल इन्स्टाग्राममार्फत सीबीआई (केन्द्रीय अनुसन्धान ब्युरो)लाई घटनाको गहिराइमा गएर छानबिन गर्न आग्रह गरेकी हुन् ।
आफू बसेको अपार्टमेन्टमा सन् २०२० सुशान्तको शव भेटिएको थियो । पोस्टमार्टम गर्ने क्रममा शवगृहका कर्मचारीले घाँटी र शरीरका विभिन्न अंगमा चोटपटक देखिएको भन्दै उनको हत्या भएको दाबी गरेका हुन् ।
घटनाको सत्यताको नजिक पुग्न नसकेकाले अझै हाम्रो मन दुखिरहेको छ श्वेताले टिभी नाइन मराठीसँगको एक अन्तरवार्तामा भनेकी छन् ।
हत्या भएको दाबी हुनुभन्दा अघि नै सुशान्तको मृत्युलाई सिबीआईले आत्महत्या करार गरिसकेको थियो ।
