परीक्षणमा नयाँ जनप्रतिनिधि | ईमाउण्टेन समाचार

Our Network

माघ २२ २०७९, आइतबार

परीक्षणमा नयाँ जनप्रतिनिधि

राष्ट्रिय अस्मितामाथि खेलवाड नगरि जनमुखी काम गर्न सक्ने सपुत जन्माए मात्रै आम निर्वाचनको सार्थकता कायम हुने, जनताको परीक्षणमा नयाँ जनप्रतिनिधि

भर्खरै सम्पन्न प्रतिनिधि र प्रदेशसभामार्फ देशले सांसद त पायो, तर अव जरुरत छ सपुत नेताको । जनताले पटक पटकको निर्वाचनमा आफ्नो मताधिकार प्रयोग गर्दै जनप्रतिनिधि चुन्दै आएका छन् । तर ती प्रतिनिधिले देश र जनतालाई शिरमा राखेर काम नगरिदिदा मुलकका समस्या ज्यूका त्यूँ छन् । अबको निर्वाचनले सत्ताका लागि राष्ट्रिय अस्मितामाथि खेलवाड नगरि जनमुखी काम गर्न सक्ने सपुत जन्माए मात्रै निर्वाचनको सार्थकता कायम हुने छ ।

पूर्वका जनताले माछा पालन गरे, बिक्री हुने बेला भयो, दक्षिणबाट सरकारी अनुदान खाएको माछा भित्रियो, किसान बैंकको ऋण समेत तिर्न नसक्ने अवस्थामा पुगे । यही गति पश्चिमका केराखेती गर्ने हरुको छ । देशभर उर्बर भूमि छ । विदेशमा मरुभूमिको अनुभब संगालेका युवा जोशले पाखुरा बजार्छन । बिक्रीको समयमा दक्षिण हाबी हुन्छ । युवाको जोश – जोश मात्र बन्न पुग्छ । देशको बजार सम्पूर्ण रुपमा बिदेसिको हातमा सुम्पिएको कारण कुनैपनि उत्पादनशील क्षेत्रले गतिपाउने अवस्था छैन । अहिलेसम्म यस्तो समस्या संसद प्रवेश गरेको छैन । विदेशीले उसको भूमिमा उत्पादन गरेको फलफूल तथा तरकारी निर्बाद पठाउछ । बिषादीका कारण लगभग अखाध्य बनेका त्यस्ता खाद्य पदार्थका कारण नागरिकहरु क्यान्सरको रोगी बन्न बाध्य छन् । सीमा प्रवेश गर्दा परीक्षण समेत गर्न छिमेकीले दिँदैन । संसदमा कुरा उठाउन सक्नेसमेत कोही देखिँदैन ।

पूर्वदेखि पश्चिसम्म देशको सीमारेखा लगभग मेटिदैछ । उसको एउटा प्रान्तबाट अर्को प्रान्तमा जाँदा जे प्रक्रिया अपनाउन पर्दछ । दक्षिण त्यती रित पनि पूरा गर्न तयार छैन । विदेशी पुलिस–आर्मी निर्वाद सीमा प्रवेश गर्छन । हाम्रा नागरिकलाई पिट्दै लिएर जान्छन, न्याय निसाफ उतै हुन्छ, देशभित्र कुनै नेता आवाज उठाउन सक्दैनन् । तुइन काटिएर मरेको नागरिक होस्, या बिस्फोटक पदार्थले मारिएका नाबालक । सबै गुपचूप छन् । सत्ता खेलको उपक्रमभित्र कसैको गणना छैन । देशको सरकार जस्तै लैनचौरले समानान्तर सरकार चलाइरहेको छ । देशभित्र उसले गर्ने खर्चको कुनै परीक्षण हुँदैन । हाम्रो देशभित्र निर्वाद विदेशीले उसको हितमा खर्च गर्छ । देखाउनकै लागि एम्बुलेन्स कुदाउछ, निर्वाचनको निमित्त गाडी दिन्छ । नेताका सन्तानलाई लगानी गर्छ । नेपाली जनताको खुन पसिना सोस्छ । बोेलीदिने हाम्रा सपुत कोही देखिँदैनन् ।

प्रधानमन्त्री उसले बनाउछ । प्रमुख कार्यकारी पदहरुमा उसकै हालीमुहाली छ । आज कुनै पनि पद खान– दक्षिणको ढोका ढकढक्याउन जानेको लाइन बढ्दैछ । पढेलेखेका नागरिकदेखि पत्रकारसम्म, हुँदा हुँदै सामान्य विभागको निर्देशकसमेत उसैले छान्छ । हाम्राहरु टुलुटुलु हेरेर बस्छन । रबर स्ट्याम्प बनेर सत्ता चलाउँछन् । विदेशीको एजेन्डामा क्रान्ति हुन्छ, उसैले सम्झौता गराइदिन्छ, जित हाम्रो भन्दै देशभित्र उफ्रन्छन् । तर बिडम्बना विदेसिले जित्छ, देशले हार्छ । देसका मूल्य र मान्यताहरु समाप्त हुन्छन । धान्नै नसक्ने संघीयता थोपरिन्छ । देश टुक्रा टुक्रा हुन्छ । विदेसीले नाकाबन्दी गर्छ । नाकामा हाम्रा नेता उभ्याउँछ । तैपनि त्यस्तो अरास्ट्रियलाई सबक दिने नेता देशले पाएको छैन । यी र यस्ता तमाम कारणले देश समाप्त हुँदैछ । गरिखाने वातवरण छैन । आम निर्वाचनको एकदिन अगाडी विदेशमा रोजगारीमा जानेको लाइन एरपोर्ट मा देख्दा कुन नेपाली को मन नपोल्ला र ? त्यसैले आज देशलाई सपुत को खाँचो छ । निडर स्वाभिमानी अनि विदेसीलाई टक्कर दिन सक्ने पुर्खाको रगतको मूल्य याद गर्न सक्ने नेताको खाँचो छ । चुनाव नसकिदै एउटा राजदूतको प्रबचन सुन्न हतारिने हरुबाट देश बन्दैन । विदेसीले दिने तालिमले सांसदको गरिमा बढ्दैन । अब हेर्नुछ – जनताले कर्मकाण्डी पाखण्डीलाई मात्र पठाए या यो भिडमा कोही सपुत पनि छन् ।

Leave a Reply