काठमाडौं । संयुक्त लोकतान्त्रिक मधेसी मोर्चाले सात दिन भित्र स्थानीय तहको निर्वाचनका सम्पुर्ण कार्यक्रम फिर्ता लिन सरकारसँग माग गरेको छ ।
बुधबार प्रधानमन्त्री निवास बालुवाटारमा प्रधानमन्त्री पुष्पकमल दाहाललाई पाँच बुँदे ज्ञापन पत्र बुझाउँदै मोर्चाले निर्वाचनका सम्पुर्ण कार्यक्रम फिर्ता लिन माग गरेको हो ।
मोर्चाका नेता लक्ष्मणलाल कर्णले तत्काल निर्वाचनको सम्पुर्ण कार्यक्रम फिर्ता नलिइए सरकारलाई दिएको समर्थन फिर्ता लिने बताउनुभयो ।
मोर्चाले स्थानीय तहको निर्वाचनका सम्पुर्ण कार्यक्रम रद्द गरि संविधान संशोधन प्रस्ताव पारित गराउनुपर्ने माग राखेको हो ।
यस्तै सबैभन्दा पहिला केन्द्र र प्रादेशीक चुनाव गराउन स प्रदेश सभाले स्थानीय तहको चुनाव गराउनुपर्ने मोर्चाको घारणा रहेको उहाँले बताउनुभयो ।
