१७ फाल्गुन काठमाडौं । श्रीलंकामा कैदी चढेको बसमा अज्ञात ब्यक्तिले गोली प्रहार गरी सात जनाको हत्या गरेको छ ।
श्रीलंकाको राजधानी कोलम्बोभन्दा केही टाढा रहेको बन्दीगृहका कैदीलाई अदालत लैजाने क्रममा अज्ञात समुहले गोली प्रहार गरेका थिए । मारिनेमा पाँच जना कैदी बन्दी र दुई जना सुरक्षाकर्मी रहेको जनाइएको छ । गोली हान्ने ब्यक्ति भने फरार रहेको अन्तर्राष्ट्रिय सञ्चारमाध्यमहरुले जनाएका छन् ।
गोली प्रहारबाट अन्डरवल्र्डका दुईजना आरोपित समेत मारिएको जनाइएको छ । घटना कसले गराएको भन्ने नखुलेको र अनुसन्धान भइरहेको त्यहाँका सुरक्षाकर्मीलाई उद्धृत गर्दै अन्तराष्ट्रिय सञ्चारमाध्यमहरुले जनाएका छन् ।
