१२ फागुन, झापा । नेपाल काग्रेसका सभापति शेरबहादुर देउवाले मधेसको समस्या समाधान गर्न प्रमुख प्रतिपक्षी दल एमाले बाधक बनेको आरोप लगाउनुभएको छ ।
झापा उद्योग बाणिज्य संघ भद्रपुरले विहीबार आयोजना गरेको महोत्सव उद्घाटन कार्यक्रमलाई सम्बोधन गर्दै काग्रेसका सभापति देउवाले संविधान संशोधन विधेयक पारित भए मधेशको समस्या समाधान हुने बताउनुभयो ।
उहाँले मधेशका जनताका निम्ति सविधान संसोधन विधयेक पास हुन दिन एमालेसँग आग्रह गर्नुभयो । सभापति देउवाले देश चुनाव तर्फ अग्रसर भइसकेको भन्दै आगामी बैशाख ३१ गते स्थानीय निकायको चुनाव हुनेमा विश्वास व्यक्त गर्नु भयो ।
