काठमाडौँ, १२ मंसिर। पहिलो चरणको प्रतिनिधिसभा र प्रदेशसभा सदस्य निर्वाचनमा आइतबार चुनाव सकिएका ३२ जिल्लाका मतपेटिका सदरमुकाम ल्याइँदैछ । केही जिल्लाका भौगोलिक विकटताका कारण सबै मतपेटिका मंगलबारसम्म मात्र केन्द्रमा ल्याइने निर्वाचन आयोगले जनाएको छ।
आयोगका अनुसार चुनाव सकिएका २ हजार ९ सय १७ मतदानस्थलमध्ये सोमबार साँझसम्म चारसय बढी मतदानस्थलका मतपेटिका सम्बन्धित जिल्लाका सदरमुकाम ल्याउन बाँकी छ।
४ सय ६७ मतदानस्थलका मतपेटिका पैदल मार्गबाट जिल्ला सदरमुकाममा ल्याउने क्रम जारी छ। सोमबारसम्म १५ जिल्लाका मतपेटिका ल्याइएको र बाँकी आज ल्याइने आयोगले बताएको छ।
