काठमाण्डौँ, १० मंसिर । प्रतिनिधिसभा र प्रदेशसभा सदस्यको पहिलो चरण निर्वाचनमा मतदान सुरु भएको छ ।
संघीय संरचना अनुसार पहिलो पटक हुन गईरहेको प्रदेशसभा र प्रतिनिधिसभा निर्वाचनमा बिहान ७ बजे देखि मतदान सुरु भएको हो । आज हिमाली तथा उच्च पहाडी ३२ जिल्लामा मतदान भईरहेको छ ।
मतदाताले तोकिएको मतदान केन्द्रमा बिहान ७ बजेदेखि साँझ ५ बजेसम्म मतदान गर्न पाउने छन् । प्रतिनिधिसभातर्फ ३७ र प्रदेशसभातर्फ ७४ निर्वाचन क्षेत्रमा आज मतदान हुन लागेको हो । पहिलो चरणमा ७०२ उम्मेदवार चुनावी प्रतिस्पर्धामा छन् ।
आयोगका अनुसार ३१ लाख ९१ हजार ९४५ मतदाताले मताधिकार प्रयोग गर्नेछन् । प्रतिनिधिसभाका लागि ३७ चुनाव क्षेत्रमा १६ जना महिलासहित २८२ जना चुनावी मैदानमा छन् ।
