म्यानचेस्टर सिटी बराबरीमा रोकियो, टोटनह्याम दोस्रोमा | ईमाउण्टेन समाचार

Our Network

चैत २० २०८१, बिहीबार

म्यानचेस्टर सिटी बराबरीमा रोकियो, टोटनह्याम दोस्रोमा

म्यानचेस्टर सिटीलाई बराबरीमा रोक्दै टोटनह्याम इंग्लिस प्रिमियर लिग फुटबलको दोस्रो स्थानमा उक्लीयो, पहिलो स्थानमा चेल्सीको अग्रता कायमै

म्यानचेस्टर सिटी बराबरीमा रोकियो

म्यानचेस्टर । म्यानचेस्टर सिटीलाई बराबरीमा रोक्दै टोटनह्याम इंग्लिस प्रिमियर लिगको दोस्रो स्थानमा उक्लिएको छ । लिग अन्तर्गत शनिबार राति घरेलु मैदानमा भएको खेलमा म्यानचेस्टर सिटी टोटनह्यामसँग २–२ को बराबरीमा रोकिएको हो ।

सिटीका लागि लेरोय साने र केविन डि ब्राउनले गोल गरे । टोटनह्यामका डेल अली र सन हेङ–मिनले गोल गरे । पहिलो हाफमा गोलरहित बराबरी भएको खेलमा दुई तर्फबाट गोल दोस्रो हाफमा भएको हो ।

४९ औं मिनेटमा साने तथा ५४ औं मिनेटमा ब्राउनले गोल गरेपछि सिटीले २–० को अग्रता लियो । तर यो अग्रता धेरै बेर टिक्न सकेन । ५८ औं मिनेटमा अलीले टोटनह्यामका लागि एक गोल फर्काए । ७७ औं मिनेटमा सनले बराबरी गोल गरे ।

बराबरीपछि २२ खेलबाट ४६ अंक जोडेको टोटनह्याम दोस्रो स्थानमा उक्लिएको छ । एक खेल कम खेलेको शीर्ष स्थानको चेल्सीको ५२ अंक छ । टोटनह्यामले लिभरपुललाई पछि पारेको छ ।

लिभरपुल ४५ अंकसहित तेस्रो स्थानमा छ । २२ खेलबाट ४३ अंकसहित म्यानचेस्टर सिटी भने पाँचौं स्थानमा छ ।

Leave a Reply

(function ($) { $(function () { $('#announcementModal').modal('show'); }) })(jQuery);