भोजराज घिमिरे/कोटिहवा, १६ कार्तिक । रुपन्देहीमा ट्रकले ठक्कर दिँदा एकै परिवारका २ जना विद्यार्थीको घटनास्थलमै मृत्यु भएको छ। दुर्घटनामा परी ३ तीन जना घाइते भएका छन्। रुपन्देहीको भैरहवा परासी सडक खण्डको रोहिणी गाउँपालिका वडा न. ३ लक्ष्मीनगरमा बुधबार दिउँसो ४ बजे तिर लु १ ख ९३५१ न. को ट्रकले साइकलमा सवार विद्यार्थीहरुलाई ठक्कर दिएको हो।
दुर्घटनमा रोहिणी गाउँपालिका ३ रामनगर बस्ने अन्दाजी १३ बर्षका मुन्नीलाल प्रजापति र अन्दाजी १० बर्षकी सन्ध्या प्रजापति रहेको इलाका प्रहरी कार्यालय धकधईले जनाएको छ। दुर्घटनामा घाइते भएकाहरुलाई भैरहवा स्थित मेडिकल कलेजमा उपचारको लागि ल्याइएको प्रहरीले जानकारी दिएको छ।
मुन्निलाल प्रजापति राम नरेश यादव आदर्श उच्च माध्यमिक विद्यालयमा कक्षा ७ मा अध्यनरत थिए भने सन्ध्या प्रजापति युनिक होम्स इन्ग्लिश बोर्डिंन स्कुलको कक्षा ४ का विद्यार्थी थिए। उनीहरु बिद्यालय छुट्टी पछी घर फर्किदै गर्दा दुर्घटनामा परेका हुन्।
तिब्र गतिका कारण दुर्घटना भएको प्रहरीको भनाइ रहेको छ। स्थानीयहरु दोषी माथि हदै सम्मको कारवारी र उचित क्षतिपूर्तिको माग गर्दै अहिले सडक अवरुद्ध परेका छन्।
