एजेन्सी, १५ कार्तिक । न्यूयोर्कको म्यानह्याटनमा गराइएको ट्रक आक्रमणमा आतंकवादी समुह आइएसको हात रहेको बताइएको छ ।
८ जनाको ज्यान जाने गरि भएको दुर्घटनामा ट्रक भित्र एक पर्चा भेटिएको र त्यसमा आइएसको नाम उल्लेख भएको सिएनएनले जनाएको छ।  न्यूयोर्कमा सन् २००१ को सेप्टेम्बर ११ मा भएको हमलापछि आतंकवादसँग सम्बन्धित घटनामा मान्छेहरुले ज्यान गुमाएको यो पहिलो पटक हो।

न्यूयोर्क प्रहरीका अनुसार घटनाबारे थप अनुसन्धान भइरहेको छ।  स्थानीय समय अनुसार मंगलवार दिउँसो लोअर म्यानह्याटनमा एकजनाले फुटपाथ र साइकल लेनमा पिक-अप ट्रक जोताउँदा कम्तीमा आठजनाको ज्यान गएको छ।

घटनामा ११ जना गम्भीर घाइते भएको अधिकारीहरुले बताएका छन्। अर्जेन्टिनाको विदेश मन्त्रालयले ज्यान गुमाउनेमध्ये पाँचजना आफ्नो मुलुकको भएको जनाएको छ।