अछाम । अछामको साँफेबगर नगरपालिकाका मेयर र उपमेयरले नेकपा (एकीकृत समाजवादी) पार्टीमा सनाखत गरेका छन् । मेयर कुलबहादुर कुवँर र उपमेयर बिर्मला बुढथापाले जिल्ला निर्वाचन कार्यालय पुगेर समाजवादीमा सनाखत गरेका हुन् ।
पूर्वप्रधानमन्त्री तथा नेकपा एमालेका वरिष्ठ नेता माधवकुमार नेपालले एमालेबाट अलग भएर नेकपा (एस) पार्टी दर्ता गरेसँगै उनीहरुले पनि समाजवादीमै रहेको सनाखत गरेर पुष्टि गरेका छन् । नगर प्रमुख कुवँर र उपप्रमुख बुढथापासँगै मेल्लेख र चौरपाटी गाउँपालिकाका केही जनप्रतिनिधिले पनि समाजवादीमा सनाखत गरेका छन् ।
यसअघि चौरपाटी गाउँपालिकाका अध्यक्ष हर्कबहादुर साउदले पनि सामाजवादीमा सनाखत गरेका थिए ।