मोरङ । मोरङको बेलबारी नगरपालिका–९ तीनकुटियामा बिहीबार राति मोटरसाइकल दुर्घटना हुँदा चालकको मृत्यु भएको छ। दुर्घटनामा मोटरसाइकलको पछाडि सवार ३० वर्षीय श्रवणकुमार विश्वास घाइते भएका छन् ।
भित्री सडक खण्ड हुँदै दक्षिणबाट उत्तरतर्फ तीव्र गतिमा आउँदै गरेको प्र १–०२–०४३ प ५७६८ नम्बरको मोटरसाइकल राति १० बजेतिर बिजुलीको पोलमा ठोक्किएर दुर्घटना हुँदा बेलबारी–९ का २८ वर्षीय उमेश चौधरीको मृत्यु भएको मोरङ प्रहरीका प्रवक्ता डीएसपी दीपक श्रेष्ठले जानकारी दिए ।
दुर्घटनामा गम्भीर घाइते भएका उनको उपचारका क्रममा विराटनगरको न्युरो अस्पतालमा राति ११ बजेतिर मृत्यु भएको प्रहरीले जनाएको छ। घाइते भएका श्रवणकुमार विश्वासकाे अवस्था मध्यम रहेकाे र न्युरो अस्पतालमै उपचार भइरहेको डीएसपी श्रेष्ठले बताए ।
