गुप्तचरले आंकलन गरे चुनावी नतिजा, कुन दलको हैसियत कस्तो ? | ईमाउण्टेन समाचार

Our Network

चैत १६ २०८०, शुक्रबार

गुप्तचरले आंकलन गरे चुनावी नतिजा, कुन दलको हैसियत कस्तो ?

काठमाडौं, ८ कार्तिक । वाम र लोकतान्त्रिक मोर्चा बनाएर चुनाव लड्दा कुन दलले कति मत पाउला, कसको प्रत्यक्षतर्फ कुन हैसियत बन्ला रु के त्यसपछि नेपाली कांग्रेसका नेताहरुले भने झैं वाम अधिनायकत्व स्थापना गर्न सक्ने गरी देशैभर लाल झण्डा फहराउने सम्भावना रहला रु या, यी सबै कुराहरु कागजी बाघ मात्र हुन्, बनको बाघ बन्ने हैसियत बिनाका। यावत् प्रश्नको जवाफ खोजिरहेका प्रधानमन्त्री शेरबहादुर देउवालाई हालै जासुसी संयन्त्रले एउटा विश्लेषणत्मक रिपोर्ट बुझाएको जनआस्था साप्ताहिकले समाचार लेखेको छ।

त्यसमा आगामी निर्वाचनमा वाम गठबन्धन कुन स्थितिमा रहन्छ, नेपाली कांग्रेसले प्रत्यक्ष तथा समानुपातिकमा कति सिट र प्रतिशत ल्याउन सक्छ, एमाले र माओवादीले कति–कति मत र स्थान आफ्नो पक्षमा पार्ने सम्भवना छ भन्नेदेखि लिएर संघीय समाजवादी फोरम नेपाल, राजपा, राप्रपा, नयाँ शक्ति नेपाल र अन्य दलहरुले प्राप्त गर्न सक्ने प्रत्यक्षतर्फका सिटसंख्या र समानुपातिकबाट ल्याउन सक्ने प्रतिनिधित्वको समेत आँकलन गरिएको छ।

स्थानीय तह निर्वाचन ०७४ मा पार्टीहरुले प्राप्त गरेको मतसंख्या र त्यसको सम्भावित बाँडफाँट समेतको आधारमा दलहरुको भविष्यबारे गरिएको आंकलनले नेपाली कांग्रेस दोस्रो बन्ने देखाएको छ । गठवन्धनमा सामेल गराउन कांग्रेसले राजपाको दबाव झेल्नुपर्नेछ भन्दै वाम गठवन्धन र लोकतान्त्रिक गठवन्धनको विश्लेषण गर्न विगतका निर्वाचनहरुमा प्राप्त मतलाई समेत आधार बनाइएको छ । नेपाली कांग्रेसले २०७० सालको संविधानसभा निर्वाचनमा प्रत्यक्षतर्फ २६ प्रतिशत विजय हासिल गरेको थियो भने समानुपातिकतर्फ २९।८ प्रतिशत मत पाएको थियो ।

०७४ को स्थानीय तह निर्वाचनमा उसले जम्मा ३३ प्रतिशत मत हासिल गरेको देखिन्छ जबकी एमालेले ३४ प्रतिशत मत हात पारेको थियो । प्रत्यक्ष तर्फ ०७० मा जम्मा २४ प्रतिशत र समानुपातिकतर्फ जम्मा २८ प्रतिशत मत प्राप्त गरेर दोस्रो बनेको एमाले अब पहिलो बन्छ बन्ने आधार नै ०७४ को स्थानीय तह निर्वाचनमा उसले प्राप्त गरेको मत प्रतिशत हो ।

माओवादी केन्द्र ०७० भन्दा धेरै नखस्किएको तथ्यांकले देखाउँछ । तर वाम गठवन्धनबाट कांग्रेसीहरु जति आत्तिएका थिए त्यति अत्तालिनु नपर्ने अवस्था सो रिपोर्टले देखाएको छ।

(function ($) { $(function () { $('#announcementModal').modal('show'); }) })(jQuery);