काठमाडाैँ । नेपालले चीनसँग खरिद गरेको कोरोना भाइरसविरुद्धको ८ लाख डोज खोप नेपाल ल्याइएको छ ।
नेपाल वायुसेवा निगमको वाइडबडी जहाजले आज बिहान भेरोसेल खोप ल्याएको हो । बिहीबार दिउँसो ३ः२५ मा खोप लिनका लागि त्रिभुवन विमानस्थलबाट उडेको नेपाल वायुसेवा निगमको वाइडबडी ए ३३० विमान खोप लिएर नेपाल आइपुगेको हो ।
८ लाख डोज खोप आइपुगेको र अब निरन्तर खोप आउने स्वास्थ्य सेवा विभागको खोप शाखाले जनाएको छ । आजदेखि साउन ८ गतेसम्म तीन उडानमार्फत खोप ल्याउने कार्यतालिका रहेको छ ।
त्यसै गरी दोस्रो खेप खोप लिन नेपाल एयरलाइन्सकै विमान आज नै बेइजिङ जाने कार्यतालिका रहेको छ भने १५ जुलाईमा तेस्रो, १६ जुलाईमा चौथो, २२ जुलाईमा पाँचौं र २३ जुलाईमा छैटौं खेप खोप ल्याइने छ ।
अबको खोप ६० वर्षमुनीकालाई प्राथमिकताका आधारमा लगाइने स्वास्थ्य मन्त्रालयले जनाएको छ ।
