एजेन्सी । ट्युनिसियामा डुंगा दुर्घटना हुँदा ४३ जनाको मृत्यु भएको छ ।
लिबियाको जुवारा बन्दरगाहबाट युरोपका लागि प्रस्थान गरेका आप्रवासीहरु चढेको डुंगा भुमध्य सागर पार गर्ने क्रममा ट्युनिशियाको जार्जीस नजिकै दुर्घटनामा परेको हो ।
१ सय २७ जना आप्रवासी रहेको उक्त डुंगा डुब्दा ८४ जनाको उद्धार गरिएको छ ।
मृत्यु हुनेहरुमा अधिकांश महिला र बालबालिका रहेका छन् । डुंगामा लिबिया, सुडान, बंगलादेश, इजिप्ट र इरिटियाका नागरिकहरु सवार रहेको अन्तर्राष्ट्रिय संचारमाध्यमहरुले जनाएका छन् ।
इन्जिनमा आएको खराबीका कारण दुर्घटना भएको अनुमान गरिएको छ । घटनाबारे अनुसन्धान थालिएको त्यहाँको सरकारी निकायले जनाएको छ ।
