सर्लाही । प्रहरीले लागुऔषध गाँजा सहित २ जनालाई पक्राउ गरेको छ ।
सर्लाही लालबन्दी नगरपालिका–१५ तिनतल्ले झल्लाचौडीस्थित खटिएको प्रहरीको टोलीले ८० किलो गाँजा सहित २ जनालाई पक्राउ गरेको हो ।
प्रहरी टोलीले विशेष सुराकीको आधारमा सर्लाही ईश्वरपुर नगरपालिका– १२ बस्ने वर्ष ३३ को आईत सिंह स्याङतान र सोही ठाउँका वर्ष ५४ को मान बहादुर स्याङतानलाई नियन्त्रणमा लिएको जिल्ला प्रहरी कार्यालय सर्लाहीका प्रहरी निरीक्षक कृष्ण गिरीले जानकारी दिए । पक्राउ परेका दुबैलाई थप आवश्यक अनुशन्धान कार्य भईरहेको जिल्ला प्रहरी कार्यालयले जनाएको छ ।
