छुट्टाछुट्टै स्थानबाट अवैध लागूऔषधसहित ६ जना पक्राउ  | ईमाउण्टेन समाचार

Our Network

मंसिर १२ २०७९, सोमबार

छुट्टाछुट्टै स्थानबाट अवैध लागूऔषधसहित ६ जना पक्राउ 

काठमाडौं। महोत्तरी, कञ्चनपुर, कास्की, रुपन्देही र कैलालीबाट अवैध लागूऔषधसहित ६ जनालाई प्रहरीले पक्राउ गरेको छ।

महोत्तरीको सम्सी गाउँपालिका–४ बस्ने ३० वर्षीया सन्जु देवी झालाई ४ सय ग्राम गाँजा सहित बुधबार प्रहरीले पक्राउ गरेको छ। केन्द्रीय लागूऔषध ब्यूरो शाखा कार्यालय जनकपुर र प्रहरी चौकी गैडाभेटपुरबाट खटिएको प्रहरीले झाको घुम्ती पसल जाँच गर्ने क्रममा लुकाई राखेको अवस्थामा उक्त गाँजा सहित फेला पारी उनलाई पक्राउ गरेको हो । कञ्चनपुरको बेदकोट नगरपालिका–६ चुनेपानीस्थित सडकबाट ३ किलो ११८ ग्राम चरेश, एक थान डिजिटल तराजु र नगद २९ हजार रुपैयाँसहित एक जनालाई प्रहरीले पक्राउ गरेको छ । पक्राउ पर्नेमा बझाङ केदारस्युँ गाउँपालिका–७ बस्ने ४२ वर्षीय शेर बहादुर धामी रहेका छन् । उनलाई बुधबार दिउँसो प्रहरीले पक्राउ गरेको हो । सुदूरपश्चिम प्रदेश प्रहरी कार्यालय, लागूऔषध नियन्त्रण ब्यूरो शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको प्रहरीले उक्त चरेश सहित फेला पारी उनलाई पक्राउ गरेको हो । कास्कीको पोखरा महानगरपालिका–३० पावरहाउसस्थित सडकबाट करिब ४ किलो गाँजासहित एक जनालाई प्रहरीले पक्राउ गरेको छ । पक्राउ पर्नेमा धादिङ गजुरी गाउँपालिका–८ दुवानखर्क घर भई पोखरा महानगरपालिका–६ लेकसाइड बस्ने ३३ वर्षीय दिल बहादुर डिमडुङ रहेका छन् । उनलाई बुधबार साँझ प्रहरीले पक्राउ गरेको हो । वडा प्रहरी कार्यालय गगनगौंडाबाट खटिएको प्रहरीले काठमाडौंबाट पोखरातर्फ जाँदै गरेको ग.१ ख ७५१९ नम्बरको बसमा सवार उनलाई जाँच गर्ने क्रममा उक्त गाँजा सहित फेला पारी पक्राउ गरेको हो।

यसैगरी कास्कीकै पोखरा महानगरपालिका–१३ गौडाको मुखबाट करिब १ किलो गाँजासहित सोही महानगरपालिका–२० भलाम घर भएका २० वर्षीय रोचक गुरुङलाई बुधबार राति प्रहरीले पक्राउ गरेको छ । सिआरभी भद्रकालीबाट खटिएको प्रहरीले ग.१३ प ६०६० नम्बरको स्कुटर जाँच गर्ने क्रममा उक्त गाँजा सहित फेला पारी स्कटुर चालक रोचकलाई पक्राउ गरेको हो । रुपन्देहीको सिद्धार्थनगर नगरपालिका–१ बेलहिया बसपार्कबाट करिब ३० ग्राम ब्राउनसुगरसहित काभ्रेपलाञ्चोक चौरीदेउराली गाउँपालिका–१ बस्ने २२ वर्षीय निश्चल उप्रेतीलाई बुधबार साँझ प्रहरीले पक्राउ गरेको छ । इलाका प्रहरी कार्यालय बेलहियाबाट खटिएको प्रहरीले उक्त पदार्थ सहित फेला पारी उनलाई पक्राउ गरेको हो । कैलालीको गौरीगंगा नगरपालिका–१ मालीबाट ६ ग्राम १ सय मिलिग्राम ब्राउनसुगरसहित सोही ठाउँ बस्ने २२ वर्षीय बिनोद खड्कालाई बुधबार राति प्रहरीले पक्राउ गरेको छ।

विशेष सूचनाको आधारमा इलाका प्रहरी कार्यालय चौमालाबाट खटिएको प्रहरीले उक्त पदार्थ सहित फेला पारी उनलाई पक्राउ गरेको हो।

Leave a Reply