काठमाडौं । नेकपा एमालेका प्रवक्ता प्रदिप ज्ञवालीले मन्त्रिपरिषद् विस्तारविरुद्ध सर्वोच्च अदालतको निर्णय अप्रत्याशित भएको बताएका छन् ।
सर्वोच्च अदालतले दोश्रो पटकका लागि प्रतिनिधि सभा विघटन पछि विस्तार भएको मन्त्रिपरिषद् विस्तारलाई बदर गरेपछि पूर्वमन्त्री समेत रहेका प्रवक्ता ज्ञवाललीले निर्णय अप्रत्याशित भएको बताएका हुन् ।
प्रधानन्याधीश चोलेन्द्र शमशेर राणा र न्यायाधीश कुमार प्रसाद ढुंगानाको संयुक्त इजलासले मंगलबार यस्तो अन्तरिम आदेश दिएको हो । यो निर्णयसँगै जेठ २१ र २७ मा मन्त्री बनेका २० जना पदमुक्त भएका छन् ।
आदलतको यस फैसलाले राष्ट्रिय राजनीतिलाई जटिलतातर्फ धकेलेको प्रवक्ता ज्ञवालीले टिप्पणी गरेका छन् ।
सर्वोच्चको आदेशपछि एमालेको आधिकारिक धारणा सार्वजनिक गर्नका लागि छलफल भईरहेको उनले बताए ।
