एजेन्सी । भारतमा पछिल्लो २४ घण्टामा ५३ हजार २ सय ५६ नयाँ कोरोना संक्रमित थपिएका छन् ।
त्यसैगरी भारतीय स्वास्थ्य मन्त्रालयका अनुसार पछिल्लो २४ घण्टामा भारतमा १ हजार ४ सय २२ संक्रमितले ज्यान गुमाएका छन् । भारतमा संक्रमणका कारण ज्यान गुमाउनेको संख्या तीन लाख ८८ हजार १ सय ३५ पुगेको छ ।
पछिल्लो २४ घण्टामा संक्रमणमुक्त हुने ७८ हजार १ सय ९० सहित भारतमा जम्मा २ करोड ८८ लाख ४४ हजार १ सय ९९ ले कोरोना जित्न सफल भएका छन् ।
हाल भारतमा ७ लाख २ हजार ८ सय ८७ सक्रिय संक्रमित रहेका छन् । भारतमा हालसम्म २८ करोड ३६ हजार भन्दा बढीले कोरोनाविरुद्धको खोप लगाईसकेका छन् ।
