काठमाडौं । नेपालमा पछिल्लो २४ घण्टामा ३ हजार ८२ ले कोरोना भाइरसलाई जित्न सफल भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा हुने ३ हजार ८२ कोरोना संक्रमणमुक्त भएका हुन् । योसँगै नेपालमा कोरोना संक्रमणमुक्त हुनेहरुको संख्या ५ लाख ४३ हजार ५२१ पुगेको छ ।
त्यसैगरी पछिल्लो २४ घण्टामा २ हजार ८ सय २८ मा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएको ८ हजार ६ सय ८७ पीसीआर परीक्षणमध्ये २ हजार १४ संक्रमित र ४ हजार ३ सय ३५ एन्टिजेन परीक्षणमध्ये ८ सय १४ संक्रमित गरी जम्मा २ हजार ८ सय २८ मा संक्रमण पुष्टि भएको हो ।
मन्त्रालयका अनुसार पछिल्लो २४ घण्टमा ५२ संक्रमितले ज्यान गुमाएका छन् । योसँगै नेपालमा संक्रमणका कारण ज्यान गुमाउनेको संख्या ८ हजार ५ सय ५८ पुगेको छ ।
