काठमाण्डौं, ३१ असोज । नेपाली कांग्रेसका नेता तथा निबर्तमान सांसद रामहरी खतिवडाले सुबिधा स्वरुप पाएको रातो पासपोर्ट फिर्ता बुझाएका छन् ।
नेता खतिवडाले संसदमा रहँदा सुबिधा स्वरुप पाएको रातो पासपोर्ट सांसद सचिबालयमा फिर्ता बुझाइदिएका हुन् ।
सांसदको हैसियतमा रहँदा प्राप्त गरेको रातो पासपोर्ट पदमुक्त भएपछि पनि राखिरहनका लागि नैतिकताले नदिने भन्दै फिर्ता बुझाएको बताएका छन् ।
सेवाको दुरुपयोग नहोस भनि आफूले उक्त पासपोर्ट सचिबालयको सुबिधा शाखामा बुझाइदिएको बताएका हुन् । रातो पासपोर्टको सुबिधा २०७४ माघ १४ सम्म लिन पाईने छ ।
सरकारले सुविधाबापत उपलब्ध गराएको रातो पासपोर्ट व्यवस्थापिका संसद्को अवधि सकिएसँगै दुरूपयोग हुनसक्ने र वैदेशिक रोजगारको आवरणमा सक्रिय दलाल तथा मानव तस्करसम्म पुग्नसक्ने विभागको आशंका छ ।
