काठमाडौं। अक्सिजन सिलिण्डर लिनका लागि नेपाल वायुसेवा निगमको आज एयरबस ३३० जहाज चीन जाँदै छ ।
अक्सिजन सिलिन्डर ल्याउन आज राति साढे ११ बजे उड्ने जहाज चीन जाने नागरिक उड्डयन प्राधिकरणले जानकारी दिएको हो । अक्सिजन सिलिन्डर लिएर मंगलबार बिहान ८ बजे स्वदेश आइपुग्ने छ ।
स्वास्थ्य तथा जनसंख्या मन्त्रालयका अनुसार चीनबाट ४ सय थान अक्सिजन सिलिन्डर ल्याइनेछ साथै १ सय ७० थान अक्सिजन कन्सर्नट्रेटर पनि ल्याउन लागिएको मन्त्रालयले जनाएको छ ।
चीनबाट कुल २० हजार सिलिन्डर ल्याउने तयारी सरकारले गरेको जसमा पहिलोचरणमा ४ सय थान मात्र ल्याउन लागिएको हो ।
पछिल्लो समय मुलुकमा दोस्रो चरणको कोभिड फैलिएपछि अक्सिजनको माग बढ्दो छ ।
