रसुवा। चीन सरकारले नेपाललाई अनुदानमा दिएको एक हजार ५ सय थान अक्सिजन सिलिन्डर रसुवागढी नाका हुँदै नेपाल आइपुगेको छ ।
चीनले अनुदानमा दिएको एक हजार ५ सय थान अक्सिजन सिलिण्डर र पाँच लाख २७ हजार ५ सय थान एन नाइन्टी फाइभ मास्क रसुवागढी नाका हुँदै नेपाल भित्रिएको रसुवा भन्सार कार्यालयका प्रमुख भन्सार अधिकृत रामप्रसाद रेग्मीले बताए ।
अहिले उक्त सामग्रीको नियमानुसार भन्सार प्रक्रिया अगाडि बढिरहेको र ती सामग्री आजै टिमुरेबाट काठमाडौँ लगिने रेग्मीले बताएका छन् ।