एजेन्सी । मेक्सिकोको राजधानी मेक्सिको सिटीमा ओभरपास भत्किएर मेट्रो ट्रेन सडकमा खस्दा कम्तीमा १५ जनाको मृत्यु भएको छ ।
मेट्रो ट्रेन गुडिरहेको अवस्था ओभरपास भत्किएर सडकमा खस्दा अन्य ७० जना घाइते भएका छन् । समाचार संस्था रोयटर्सका अनुसार मेट्रो ट्रेन ओभरपास मुनि सडकमा गुडिरहेका कारहरूमाथि खसेको बताएको छ ।
यसैबीच मेक्सिको सिटीका मेयर क्लाउडिया शिनबौमले १५ जनाको मृत्यु भएको पुष्टि गर्दै यस घटनाको अनुसन्धान गर्नुपर्ने बताएका छन् ।