काठमाडौं । पछिल्लो २४ घण्टामा नेपालमा पाँच हजार ७ सय २७ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएको १५ हजार ३ सय ९१ पीसीआर परीक्षणमा पाँच हजार ६ सय ५७ र ५ सय २५ एन्टिजेन परीक्षणमा ७० गरी पाँच हजार ७ सय २७ मा संक्रमण पुष्टि भएको हो ।
संक्रमितहरुमध्ये काठमाडौंमा दुई हजार ४ सय ४, ललितपुरमा चार सय १९ र भक्तपुरमा दुई सय ३३ सहित काठमाडौं उपत्यकामा मात्रै दुई हजार ९ सय ५६मा रहेका छन् ।
योसँगै नेपालमा संक्रमितको कुल संख्या तीन लाख २३ हजार १ सय ८७ पुगेको छ ।
त्यसैगरी पछिल्लो २४ घण्टामा ३३ संक्रमितको मृत्यु भएको छ । यो सँगै नेपालमा कोरोनाका कारण ज्यान गुमाउनेको संख्या तीन हजार २ सय ४६ पुगेको छ ।
पछिल्लो २४ घण्टामा संक्रमणमुक्त भएका नौ सय २८ सहित नेपालमा संक्रमणमुक्त हुनेको कुल संख्या दुई लाख ८१ हजार ९५ पुगेको छ । हाल नेपालमा ३८ हजार ८ सय १३ सक्रिय संक्रमित रहेको स्वास्थ्य मन्त्रालयले जनाएको छ ।
