एजेन्सी । जर्मन क्लब बायर्न म्युनिखले जुलियन नागेल्समानलाई मुख्य प्रशिक्षक नियुक्त गरेको छ । बायर्नले मंगलबार जुलियनलाई मुख्य प्रशिक्षक नियुक्त गरिएको जनाएको हो ।
जुलियन अहिले जर्मनीकै आरबी लाइपजिगका प्रशिक्षक रहेका छन् । उनी जुलाई १ बाट बायर्नमा आबद्द हुने छन् । ३३ वर्षीय जुलियनले बायर्नसँग पाँच वर्षको सम्झौता गरेका छन् ।
मुख्य प्रशिक्षक हन्सी फ्लिक्सले क्लबसँगको सम्झौता टुंगाएपछि बायर्नले जुलियनलाई टिमको जिम्मेवारी दिएको हो । यसपाली युरोपीयन च्याम्पियन्स लिगबाट बाहिरिसकेको बायर्न म्युनिख बुन्डेसलिगाको उपाधि नजिक रहेको छ ।
